• 振邦 林

中醫界七宗罪 (粗口敏感者勿入)


有同道表明中醫界需要反思,我很認同,我祈望更多同道可一同參與。

要真做嘛,我就嘗試想想有甚麼實在的問題。 標題純Juicy

一)講多個做

能叫「病患」,自然就有「屎尿血膿痰」。要自己乾乾淨淨,但又想要病人轉好,呵呵;不落水但想救到水中之人;不冒熱,就想救到火場之人。個個身光頸靚,但個個對現行業界情況不滿。不幹實事,但總想有成果,呵呵。

二)空想主義:講0左當做0左;做過當做完 (然後永續講)

上網打完飛機當做0左,我係其他醫療業界見到,冇辦法唔恥笑。師妹講得好,花十多年時間,證明自己得把口,堅係唔簡單。當然上網打飛機的同好不覺,但其他堅做過野的,都知咩事。

如「中西醫結合」本來就是理想化的空想,可以研究但根本未有實踐空間。還當成是「大義」、「正義」來宣傳。 不主動配合「中西醫結合」就扣帽子,打成「反對進步」、「反對科學」。

好些人高舉「正義」,善還沒有出門,惡已臨到他人頭上。沒事實根據就「因大義之名」把想法不同的人標成「邪惡」,

這本身就是最大的真正邪惡。 如此試問,性善論如何立足?

三)不學無術

常去引乜乜名家、乜乜古人解經,但解錯的多。連「天人合一」係講「人與自然一理」(即可用同樣方法同樣工具去認識),都冇乜人講到。個個淨係講「同大自然相關」,講文史哲,皮毛都搞錯,陰公。 (仲有d人發死人材,以為人死0左就可以亂咁扭曲人家說話的。)

仲有下下講自己去邊度邊度上過幾堂,老實講,上得咁小就無謂講啦。寫埋d文又唔到基本方法學要求,講孔孟光是拿片言隻語唔研究一下孔孟生平,唔讀一讀《易》,不讀史書,又不識兵書;寫野錯到離譜,點搞呀?你話隨意讀就冇所謂。

四)買「贖罪卷」

個個都知要做野,但冇人動手,就去買「贖罪卷」。「我有支持你呀!」、「我捐幾百蚊呀!」 ,不壞, 但還是買「贖罪卷」lor。同腐敗的老教庭有咩分別??

我可以理解人人有負擔,我是完全接受的,大家明白越多的行動支持就越好就夠;

每人按自願獻出各自的一份,心裡不要作難即是,不用比較也不用炫耀。

但那些開口埋口「大義」屌9人的去還常常去買「贖罪卷」?好好笑lor,有事時總不見人。

尤其不少人還剛剛「獵巫」,以無事實根據的指控燒死0左d唔跟佢方向做事的人呢。

搞爛人地d野又唔負責,sor9ry都冇句就走撚0左;最後買番張「贖罪卷」,感覺良好曬!!!!

五)憎人富貴厭人貧

人人要吃飯,唔賺錢就高尚d?賺錢就低賤? 有仔女要養係原罪?咁有樓要供係咪罪該萬死?

辛勞工作賺不多又話人冇實力;收得貴了專營高檔市場,又話掠水冇醫德。陰公lor,咁你想點? 食屎痾飯好唔好? 靚女唔痾屎好唔好?

(在下無兒無女無車無房,常常OT但生活還未餓壞)

本師收費教國學,然後捐助研究生,在窮鄉還捐了過百座圖書館呢。

還建立學術基地支援學派傳承,弘揚國學,係高尚定係下賤? 我公司還訂立規則,藥房無特別事不加班 / 鐵打夠鐘就要輪班食飯休息,

唔通出0左一斤糧,要人地出兩斤力還損害健康才可叫「藥德」? (又有人說自己過得很好,技術強病人很多錢很多;叫你地廢青學下啦!! 我一問,哇!

。。。。。從醫療專業「賺錢」來講,我只能用may姐笑聲「哈哈哈哈哈」啦!真係以為講野夠大聲就係。

要blame the vicitm都唔該真係賺到足夠在醫療行業發言先好講,唔該晒。

我係低賤賣藥佬,行頭唔大,邊個真係肯花心機用足料我心中有數啦。

咪搞錯呀,唔少人彈我的,但我係好欣賞認真的客人。)

六)欠缺同理心;否認事實

個個口中都「高大上」,但實行就「低下賤」。年輕人付出青春,想正常生活而矣,得罪了誰的理想? 僅要「天道酬勤」,得罪了誰的飯碗?這行頭「償惡罰善」呀。年輕人沒有光環,沒有後臺,只想踏踏實實讀書, 老老實實養家活兒還學債,有甚麼問題? 無人入醫門,誰去治病?誰去研究?

那些不用吃飯的仙人看得了幾個病人?

在業之人希望醫療業健康發展,避免惡性競爭,改善考核,有咩問題?《大醫精誠》教咩呀? 教唔好隨便非議人, 勿以己之長去非人之短,尤其沒有事實根據就去扣人帽子做道德判斷。

人地冇偷冇搶冇做cheap 0野,冇違反學理冇亂嗡做show,冇濫收費用呃呃騙騙, 只是想老老實實足料醫病,養家活兒,有咩好講?

個個上晒身,想「當頭棒喝」人;但連與人同行,理解不同處境 / 崗位/ 信念/ 信仰的難處都不考慮。

人地做現代墨者,為百姓求實務為醫療求實務再一步一步做唔得呀?阻到你咩野?

我話最cheap就係班得把口又唔係堅做野又唔係賺得多又冇學術建設的人。

真聖人邏輯:

p.s.《聖經》裡面記載,保羅是高等人民(當時人有分等),受超高等教育;但他主動地全面放棄光環,

走入人群,更不會說「傳道」就一定要受教會供養,甚至拒絕教會的贊助。

偏偏選擇以當時低下的「織帳棚」維持生計。現在教會叫這做「帶職事奉」。

但不強逼,人人可自己按環境,自願選擇。 保羅在書信中寫:「作工的得工價,不算恩典,乃是該得的」

他自己放棄,但沒有「道德綁架」其他人要跟著他才叫「合理」。

(又要人盡孝養父母、又要人養兒育兒,又要齊家,但就唔俾人賺錢係咩邏輯??)

七)講就天下無敵;做就罪大惡極

講完野天下無敵,但就只對無權的人抽刀,話乜乜物物,指控低低賤賤,來來去去都係毫無事實根據的人格謀殺。

但從不看實事,不面對事實;對有權者閉口不提,對胡說八道的醫棍裝看不到。

學院亂教書黑白顛倒姦屍先人又冇去投訴,冇人去AR/UGC指證(仆街野又係我做),師弟妹俾學院踩到上心口都當看不到。

反正晚上發個綺夢,射多d,天國就會降臨0架啦? 係咪?要辦事去開會就係「出賣人民」? 做義診都要開飯就係「食兩家茶禮」? 齋叫口號就最型,真做唔瀟洒就罪大惡極?

「救世軍」努力做好每一個善行,「以讓天國降臨」。要「一單一單」、「一個一個project」做,唔係一步到位的,就係多餘?執柒0左佢?

實打實去開會同人嘈,實打實為同寅爭取合理的教育水平和待遇,就低下賤嘛。我都明0架,d會係幾惡心0架。咁係咪唔做隨便佢?唔鐘意咪算lor,咁大個人連「各有各做」都唔識?仲要連師弟妹、同門、同窗都可以出賣,可以推他們去死,呢種「正義」真係不得了呀喂!

結語:

我傻豬,但唔會咁傻話要ask for justice,亦唔會為那些人早早準備賺錢移民的人浪費時間,因為不值得。

我敬重任何為理念而實幹的人,但也要為默默低調努力實幹的人說句公道話。

但你話咁既中醫界,償惡罰善,喜歡鳩叫,不喜歡實幹。

不去想可行方案一步步處理問題,不去想怎麼一步步達成目標;

個個都話自己「正義」不去理解、體諒人(但有付出有成果的沒幾個),

又不去談共識,咁係咪唔仆街先至奇?

所以五年前,有中學師妹問我讀唔讀中醫好,她選甚麼科都一定能進,思維快又夠努力。

我稍為報一下讀中醫的人數會市場承接情況,就算數了。

知道叻啦,好多人寧願做低佢,人人可為中醫,但不選優秀人材入門嘛。


521 次瀏覽
  • Facebook Social Icon
  • LinkedIn Social Icon

Copyrighted by www.lamchunpong.com

Subscribe for Updates