• 振邦 林

赤口話中醫----大師現象談


赤口話中醫 又到了一年一度「赤口話中醫」時間,借用一頓午飯的時間,講一點所見所聞,笑一笑,上一上氣,又消一消氣。 一)中醫專家話:「辨證論治就係分證型」。我話你聽呀,閉門會議就兩個樣來架啦。越唔識,間機構越鐘意話自己重視中醫的,就越鐘意亂講野架啦。我拿番住幾十頁不同論文,講中醫診斷核心係「病機」,都冇人聽架,自己0岩曬架。 二)中藥專家話:「顆粒同沖劑都係差唔多」,我真係覺得好好笑呀,又係閉門會議。按現在藥理研究,複方煮的,「峰」(peak),即係「色譜」的數量係明顯增加,所以除非你個病人個個都係複方原用,否則一起煮過的湯藥,從學理上點都係好點。而藥材原材料本身差異更大,如果你覺得差不多,只能說明「藥材真係好差」。藥人不按藥學研究,又不講道地藥材,更想去代醫生講藥效如何如何,我就覺得好搞笑。 三)然後又講「中醫院都可以咁」,我真係覺得好笑,佢0固d門診,拿著個大名搞primary care出市區爭客,而且係人工同租好多都唔駛出,但係照樣唔賺錢,然後教人中醫院點搞?(教學研究當然亦都唔見得好) 唔好講笑啦喂?唔通人地去堆填區,為0左獲得primary care(樓下都有)的療效? 四)住院成本好貴的,一日成本係五千蚊per head,用好小小藥,其實只係1%不到的成本,但係功效係兩個層次。應該點計,絕對唔係primary care方式去比的。「藥材好貴」,貴得幾多? 你估係primary care搭個車就上門睇症?三個指頭一張檯就開檔?好多人鐘意用平野然後賺盡0者。幫個病人早出院早好,先係更省。 五)知唔知道地與否差幾多? 從原來料來講,一些好研究的藥理作用(例如抗菌),可以差二三倍。夠多了吧? 六)原材料外,炮製可以帶來幾多差別? 例如附子整得好不好,可以是生物鹹差8成,即係掉翻轉,差的可能差五到十倍。而在一些檢驗上,有泡水和沒泡水的,驗雙酯型生物鹹(有毒成份),都係達《藥典》標準,但係單酯型生物鹹(有用的成份)差接近十倍。 七)所以點解我成日話,傳統學術冇,當代學術更差。真係哈哈哈。

八)聽聞最近公開,有個高級西醫講「我地相信中醫西醫都係博大精深,光係一門一生人都不夠。」真係刮左唔小人。-------- 「現代中醫」學了西醫的就好; 「專科培訓」學咩呀? 「學多點西醫」 ; 邊個去做「專科」個grand fathering呀? 「有足夠西醫知識的『專科』人員」。 老老實實,那些人講中醫,又會話自己「有好好學經典」架啦,轉頭閉門會議又會講不同的說話。 九)「概嘆古人醫學失傳,於是我自己鑽研________,所以今日出來教大學」坦白講,歷史至今,多數都係騙子才如此說的。又一個大師橫空出世。當然臨床上,萬物皆有可能,未見到就不宜判斷。但從學理上,是可以判斷。 p.s.朋友提, 還有些無端無事講中醫講到「量子力學」的,諾貝爾獎都真係要俾埋你。方法學同議題根本唔啦更。 十)五星之說其實很晚了,只是「五行」用語的一種借代,偏偏要去用些詞去大造文章,隨文衍義(即係「吹水」),即係難為後學。這裡一個宇宙,幾個氣字,一些道家概念,炒埋一鑊,好似玄妙高深,其實就胡說八道。 不小心聽了,真心浪費人生。 p.s.弟弟我文獻專業,中醫哲學,熟那些文獻的。 十一) 醫學宗教化:下下都宇宙,甚麼議題都要上升到愛、明明是宗教的東西,卻宣稱自己不是「宗教」。 十二) 我不是反對身心關係和所謂靈方面的研究和實踐,但西方有西方的輔導,東方也有東的相關文獻和修練實踐(我同門師兄姐很多個研究方向叫「東方心理學」)。不是那些甚麼東拼西湊的四不象,基督教取個愛、佔星術借個宇宙、道教借個氣鬼魂魄(注意是道教)、彿教借個輪迴、印度教借個輪。把市井最認識的東西炒埋一疊,精要的不講。宗教有宗教的門路,這裡就不多說了。 十三) 我不反對練功練氣呀,確實一直都有這種修練的傳統。但練功有練功的方法和示範,不是靠把口。 十四)我不反對臨床經驗,這個不是壞事。反倒故弄玄虛,想講通事卻又處處講不通,示範做不到,概念混亂,文獻搞錯,卻又時常想托古的,真要小心。而除了各種「大師」外,世上還有「科學大師」。講科學卻講不出方法學和所以然,隨人表演,「知道了」就好。

口水佬太多,學術太少。


35 次瀏覽
  • Facebook Social Icon
  • LinkedIn Social Icon

Copyrighted by www.lamchunpong.com

Subscribe for Updates