中醫界《真係唔係笑話》(唔好笑)




收集了一些不好笑的笑話,趁著赤口,大家笑一下,少炒架。


一) 中醫真係好勁,可以Crossover乜都得,美容健身籃足排球乜都包!!

謎之聲:做中醫最緊要識得「社交轉運」,部份正常 PR都冇野既。


二) 學者就學術問題處理不同或反面意見的方法:當佢唔存在

謎之聲:學者係負責出paper,唔係負責回應質疑,尤其中醫


三) 三款藥抗疫?喂,好似涼茶鋪款式都仲多d喎

謎之聲:搞多幾個方,然後涼茶鋪負責確實真係有得諗的


四) 中醫專業點發展好?搞個「西醫認可計劃」就是啦

謎之聲:幾時搞個西醫專業高級醫生,係由「中醫藥管理委員會/中醫學院」認可?


五) 未來執業人數太多,但唔想條數難睇點算?

宇宙公共XX衛生系是這樣處理的:部份人唔當係人頭out唔計就得。 謎之聲:同達哥打機要「一命爆機」一樣,輸左的話就「今次唔計!」


六) 市場惡性競爭太多,但係隨便放任係可以。         出現受害者「只係佢地唔好彩」,實情專業就係要有質素保證先得的。

謎之聲:睇唔到就當冇架啦,悔氣講,中醫係咁架啦。社會責任無謂提啦,                你搞呢d影響鑽研醫術,無醫德;批評同行,更無醫德呀,前輩話。


七) 一個學系唔認同自己學術的專業,可唔可以叫做「專業」?

謎之聲:中醫教授唔認同中醫經典中醫理論,話係「紙上談兵」(但人地做lab做EBM就唔係),咁即係點呢?

 一個有些工作經驗而UG畢業就可以教書的專業,仲係咪專業?

              ( 西醫:職級,fellow , paper,一樣不能少;現在國內中醫:本行全職mphil / phd / 課題/ paper  不能少) 


八) 一個專業架構的合法性(社會學概念legitimacy),唔係由該專業判斷的。

謎之聲:幾時medical council同HA醫官,會由中醫委任,同按研究《黃帝內經》的paper去判斷職級??


九) 中醫教授唔認同中醫理論中醫臨床,但繼續做中醫、看病、做專家。

謎之聲:「學術誠信」係奢侈品來架,超級個隻。搵食0者犯法呀?


十) 你見有d中醫專家,批判中醫好唔客氣架,對中醫人員仲好綴核。          但西醫話你中醫有問題,或者西醫不按證據說中醫的時候,佢地從來唔出聲架。

謎之聲:係咁架啦,好出奇呀?打工要睇老闆頭呀。



總結:美言不信,信言不美


       「但願世間人無病,何惜架上藥生塵」,這是美好祝願,在古代社會尚可理解。然而,在中醫的疾病觀中,人生老病死都是可以幫上的。除非是真人至人能神遊天地間,不然人人都會衰老,都需要醫藥技術和物料。如果「仁心」就是叫人莫視真實,那無非只是鄉愿和自欺欺人。仁之大者,就自然得建立更好的制度為廣大病人提供更好的服務。如果橫批是「虛偽」,何不可沉思下來,思考病人的求診習慣、融資、醫療制度建構?


香港中醫界,天生就是個悲劇。但正是因為太多的張力,太多的路向,才更需要思考「中醫怎麼來」、「中醫是甚麼」、「中醫往那裡去」這些存在的問題。雖然尋找這些答案,注定是充滿痛苦,甚至是悲壯。


p.s.最後有一個MV,或者是個安慰